મહેસાણા જિલ્લાના ઊંઝા ખાતે એશિયાનું સૌથી મોટું માર્કેટયાર્ડ છે. તેના ચેરમેન દિનેશ પટેલ અને સેક્રેટરી વિષ્ણુ પટેલ સામે 15 કરોડના કૌભાંડનો આક્ષેપ APMC સેસ વિભાગના કર્મચારી સૌમિલ પટેલે કર્યો છે. 19 સપ્ટેમ્બર 2020ના રોજ વેપારીઓએ APMC બંધનું એલાન કર્યું છે. આ અંગે તપાસ કરવા CM/PMને લેખિત વિનંતિ કરવામાં આવી છે. મહેસાણા જિલ્લા રજિસ્ટ્રાર હિતેશ પટેલ ‘તપાસ ચાલુ છે’ એવું કહે છે; પણ તપાસ થઈ નથી !
સત્તાપક્ષ સાથે સંકળાયેલા કૌભાંડીઓ હોય ત્યારે રજિસ્ટ્રાર/પોલીસ તપાસનું નાટક કરે છે. ઊંઝા APMCના ચેરમેન/સેક્રેટરી/સ્થાનિક ધારાસભ્ય જો વિપક્ષ સાથે જોડાયેલ હોત તો તેઓ જેલમાં હોત ! કૌભાંડીઓ/ગુંડાઓ એટલે જ સત્તાપક્ષ સાથે જોડાઈ જાય છે. અગાઉ મગફળીના દરેક કોથળામાંથી ટેફાં નીકળ્યા હતા ! ગરીબોને આપવાનું અનાજ કપડાં બદલી આટામિલોમાં પહોંચી જાય છે ! સરકારમાં બેઠેલાં જ ભ્રષ્ટાચાર કરે તો તેને કોણ રોકી શકે? APMC ઊંઝાના ચેરમેન દિનેશ પટેલે 17 સપ્ટેમ્બર 2020 ના ‘દિવ્યભાસ્કર’ અખબારમાં APMCના ખર્ચે ફૂલ પેજની જાહેરખબર આપી છે; જેમાં પોતાનો ફોટો/PMનો ફોટો/કમળનું ચિન્હ છે ! તેમાં PMને, બીજા લોખંડી પુરુષ અને આત્મનિર્ભર કૃષિના પ્રણેતા કહ્યા છે ! બોલો, પોલીસ દિનેશ પટેલને અડી શકે?
ઝીણી નજરે જૂઓ તો ખ્યાલ આવશે કે ઊંઝા APMC જેવું દરેક APMCમાં વત્તા-ઓછા પ્રમાણમાં કૌભાંડ થાય છે. કૌભાંડ કરવા મળે એટલે APMCની ચૂંટણીમાં એક મતનો ભાવ 1 લાખથી 5 લાખ સુધીનો હોય છે ! ચૂંટાઈ ગયા પછી 15-20 લાખની AC કારમાં ફરવા મળે ! મજા મજા ! આત્મનિર્ભર ખેડૂતો માટેની આ સંસ્થામાં, કૌભાંડીઓ/વેપારીઓ મોજ કરે છે ! આ માત્ર સેસ ફીની કટકી નથી, GST/ITની ચોરી છે ! કૌભાંડીઓની સાથે વેપારીઓને પણ ફાયદો ! બેનંબરી પૈસાથી રાજકારણ ખોલાય છે/ધારાસભ્યોની ખરીદી થાય છે. ખેડૂતો/ખેતમજૂરોના પરિશ્રમનો આ કેવો દુરુપયોગ !rs
कोई टिप्पणी नहीं:
एक टिप्पणी भेजें